මෙරට ආර්ථිකය මරණයෙන් බේරාගත් සියලු දෙනාටම ස්තුතිවන්ත වන බව පාර්ලිමේන්තු මන්ත්‍රී ආචාර්ය හර්ෂ ද සිල්වා පවසනවා.
අය-වැය දෙවැනි දින විවාදය අරඹමින් ආචාර්ය හර්ෂ ද සිල්වා මහතා මේ බව කියා සිටියා.
මහාචාර්ය රොහාන් සමරජීව මහතාගේ ආයතනය පෙන්වාදෙන පරිදි උද්ධමනය 2%ක අගකයට පත්ව ඇති බව තමන් පිළිගන්නා බවද මෙහිදී ඒ මහතා කියා සිටියා.
මේ සියල්ලටම පෙර ජනතාව තුන්වේල කන්නේ, බෙහෙත් ගන්නෙ, ලයිට් බිල ගෙවන්නේ කොහොමද කියා සොයා බැලිය යුතුයැයි ද මන්ත්‍රීවරයා කියා සිටියා.
එමෙන්ම ඊයේ ශ්‍රේෂ්ඨාධිකරණ තීන්දුවෙන් පෙන්වා දුන් ආර්ථික ඝාතකයන්ගේ ප්‍රජා අයිතිය ගැන පාර්ලිමේන්තුවේ මතය කුමක්දැයි සජබ කොළඹ දිස්ත්‍රික් මන්ත්‍රී ආචාර්ය හර්ෂ ද සිල්වා මහතා පාර්ලිමේන්තුවේ දී ප්‍රශ්න කර සිටියා.
