කුරුණෑගල වැහැර ප්‍රදේශයේ ගෑස් පිරවුම් හලක ඊයේ ( 07) රාත්‍රියේ ඇති වූ ගින්නකින් පුද්ගලයින් හතර දෙනෙක් මියගොස් තවත් හතර දෙනෙකු තුවාල ලබා ඇත.
තුවාල ලැබූ පුද්ගලයින් කුරුණෑගල ශික්ෂණ රෝහලට ඇතුළත් කර තිබෙන අතර ඔවුන්ගේ තත්ත්වය බරපතල නොවන බව වෛද්‍යවරු පවසති.
ඊයේ රාත්‍රියේ ගෑස් පිරවීම සඳහා පැමිණි ලොරි රථයකට ගෑස් පුරවමින් සිටින අතරතුර එම පිරවුම්හලේ තිබූ ගෑස් ගබඩා දෙකින් එකක පිපිරීමක් ඇති වී තිබේ.
ඇති වූ පිපිරීමත් සමඟ ගින්න පැතිර ගොස් තිබෙන අතර ගින්නෙන් එම ආයතනයේ කළමනාකරු ඇතුළු සේවකයින් හතර දෙනකු මිය ගොස් ඇත.
සිද්ධිය සම්බන්ධව කුරුණෑගල පොලිසිය වැඩිදුර පරීක්‍ෂණ පවත්වයි
