ඉතිහාසයේ පළමු වරට බිත්තර සඳහා වැට් බද්දක් ගෙවීමට සිදුව තිබෙන බවට සමස්ත ලංකා බිත්තර නිෂ්පාදකයන් ගේ සංගමය චෝදනා කරයි.
ඔවුන් මාධ්‍යට ප්‍රකාශ කර ඇති ආකරයට බිත්තර අලෙවියෙන් ලබන ආදායම වැට් බද්දට යටත් කර ඇති අතර එය අප්‍රේල් 01වනදා සිට ක්‍රියාත්මකය.
කෙසේ වුවත් අදාළ බදු හේතුවෙන් බිත්තර මිල ඉහල දැමීමේ අපේක්ෂාවක් නැති බවත් මේ වන විට බිත්තරයක් වෙළෙඳපොළේ රුපියල් 25-30 අතර මුදලකට මිලදී ගැනීමට හැකියාව ඇති බවද පවසා තිබේ.
එසේම ඇතැම් බිත්තර නිෂ්පාදකයන් සිය පිරිවැය ආවරණය කරගැනීමට පවා නොහැකිව සිටින අතර මෙම බද්ද හේතුවෙන් කර්මාන්තයේ කඩා වැටීමක් සිදුවන බවද ඔවුන් පෙන්වාදී තිබේ.
කෙසේවෙතත් පසුගිය මැතිවරණ සමයේ දී වත්මන් ජනාධිපති අනුර කුමාර දිසානයක ප්‍රමුඛ ජාතික ජනබලවේගය පක්ෂය පොරොන්දුවූයේ ආහාර , සෞඛ්‍ය ක්ෂේත්‍රය සහ අධ්‍යාපන උපකරණ මත පනවා ඇති බදු මුළුමනින්ම අහෝසි කරන බවය
