එළැඹෙන මැයි මස 6 වෙනිදා පැවැත්වීමට නියමිත පළාත් පාලන මැතිවරණයට අදාළව මේ වන විට මැතිවරණ පැමිණිලි 180ක් ලැබී ඇති බව මැතිවරණ කොමිසම සඳහන් කරයි.
නිවේදනයක් නිකුත් කරමින් මැතිවරණ කොමිසම මේ බව සඳහන් කරන අතර ඊට අනුව මෙම පැමිණිලි 180 ලැබී තිබෙන්නේ පසුගිය 20 වැනිදා සිට 28 වැනිදා දක්වා දින 8ක කාලය තුළය.
නිවේදනයෙන් පෙන්වාදෙන ආකරයට මැතිවරණ ප්‍රචණ්ඩ ක්‍රියා සම්බන්ධව එක් පැමිණිල්ලක්ද, මැතිවරණ නීති උල්ලංඝනය කිරීම් සම්බන්ධව පැමිණිලි 179ක් ද ලැබී තිබේ.
මෙසේ ලැබුණු පැමිණිලි 180 අතුරින් පැමිණිලි 133ක් මේ වන විට විසඳා ඇති බවද කොමිසම පවසන අතර තවත් පැමිණිලි 47ක් විසඳීමට කටයුතු කරමින් ඇති බවද සිය නිවේදනයේ සඳහන් කර තිබේ.
