හිටපු ජනාධිපතිවරුන් වෙත දැනට ලබාදෙන ආරක්ෂාව සම්බන්ධව ඇගයීම් වාර්තාවක් මහජන ආරක්ෂක අමාත්‍යාංශය විසින් කැබිනට් මණ්ඩලය වෙත යොමු කර තිබේ.
හිටපු ජනාධිපතිවරුන්ගේ ආරක්ෂාව සම්බන්ධව සොයා බැලීමට පත් කරන ලද කමිටුවේ නිර්දේශ මත මෙම වාර්තාව සකස් කර තිබේ
මේ සම්බන්ධව කැබිනට් මණ්ඩලය තුළ පුළුල් ලෙස සාකච්ඡා කර දැනට හිටපු ජනාධිපතිවරුන්ගේ ආරක්ෂාව සඳහා යොදවා ඇති භට පිරිස් අඩු කරනවාද? නැද්ද? යන්න පිළිබඳව තීරණයකට එළඹීමට නියමිතව ඇත.
හිටපු ජනාධිපතිවරුන් වෙත සපයා ඇති ආරක්ෂක භට පිරිස අඩු කළ යුතු බවට වන කතිකාවක් පසුගිය කාලය තුළ ඇතිව තිබිණි.
