රසායනික පොහොර භාවිතය තහනම් කිරීම හේතුවෙන් 2021 මහ කන්නයේ අක්කරයකට ලබාගත් වී අස්වැන්න සියයට 53කින් අඩු වී ඇති බව සමීක්ෂණයකින් අනාවරණ වී තිබෙනවා.
හෙක්ටර් කොබ්බෑකඩුව ගොවි කටයුතු පුහුණු හා පර්යේෂණ ආයතනය, රසායනික පොහොර තහනම සමඟ වගාවට එල්ල වූ බලපෑම් සම්බන්ධයෙන් සිදුකළ සමීක්ෂණයක දී මේ බව අණාවරණය වී තිබේ.
එසේම රසායනික පොහොර තහනම හේතුවෙන් අර්තාපල් සහ ලොකු ළුෑණු අස්වැන්න සියයට 52කින් අඩු වී ඇති අතර බඩඉරිඟු අස්වැන්න සියයට 68 කින් අඩුවී තිබේ. මිරිස් අස්වැන්නද සියයට 43කින් පහත වැටී ඇත.
එමෙන්ම 2021 මහ කන්නයේදී රසායනික පොහොර තහනම හේතුවෙන් එළවළු වගාව සියයට 57කින් බිඳ වැටී ඇත.
