බොරැල්ලේ වෙඩි තැබීමේ සිද්ධියට එස්.එෆ් සරත්ට මරණ දණ්ඩනය. 2014 වසරේ බොරැල්ල ප්‍රදේශයේදී පුද්ගලයෙකු වෙඩි තබා ඝාතනය කිරීමේ චෝදනාවට වරදකරු කෙරුණු කේ.එම්. සරත් බණ්ඩාර හෙවත් එස්. එෆ්. සරත් නමැති විත්තිකරුට කොළඹ මහාධිකරණය විසින් මරණ දණ්ඩනය නියම කළේය.
දීර්ඝ නඩු විභාගයකින් අනතුරුව කොළඹ මහාධිකරණ විනිසුරු නවරත්න මාරසිංහ මහතා විසින් මෙම තීන්දුව ලබා දුන්නේය. මෙම නඩුවේ සෙසු විත්තිකරුවන් වශයෙන් නම් කර තිබූ චමින්ද රවී ජයනාත් හෙවත් දෙමටගොඩ චමින්ද ඇතුළු විත්තිකරුවන් තුන්දෙනෙකු නිදොස් කොට නිදහස් කිරීමටද අධිකරණය නියම කළේය.
මේ අතර මෙරට පැරණි පාතාලය පිළිබඳව ගවේෂණාත්මක මාධ්‍යකරණයක නිරත තරිඳු ප්‍රනාන්දු විසින් මරණ දඬුවම නියමවූ SF සරත් පිළිබඳව සිය ෆේස්බුක් ගිනුමේ මෙවැනි සටහනක් තබා තිබිණ.
RSM සරත් බන්ඩාර නොහොත් SF සරත්. මෙතෙක් කල් මා මොහු පිලිබදව කිසිදු සටහනක් ලියා නැත. නමුත් අද ලියමි. ලංකාවේ විශේෂ බලකායේ සිටි අති විශිෂ්ටතම සෙබලෙකු ලෙසින් සරත් බන්ඩාරව පෙන්වා දිය හැක. එකල ලංකාවෙ යුද්ධය දැඩිව ඇවිලී යන අවධියේ පත්තර වල මුල් පිටුවේ ෆුල් ජන්ගල් කිට් එකක් ගහගෙන MPMG එකක් අතේ තියාගෙන දාහේ කෑලී වැලක් බෙල්ලෙ දාගෙන ඉතාමත් ප්‍රථාපවත් ලෙස ඉදිරිය බලාගෙන සිටිනා රුවක් දැක ගැනීමට හැකිවිය. ඒ හා සමගම එම චායාරූපයට යටින් එන්න අපහා එක්වන්න ශ්‍රි ලංකා විශේෂ බලකාය ලෙස තරුණයන්ට ආරාධනාවක්ද කර තිබුනි. ඒ චායාරූපයට පෙනී සිටියේ ඔය අද මාතෘකාවට පැමින සිටින තැනැත්තා වන SF සරත්ය.
විශේෂ බලකායේ චාලී බලගනයේ සිටි අති දක්ශ වෙඩික්කරුවකු වගේම අති දක්ශ යතුරුපැදි කරුවකුද වන මොහු කුඩා කන්ඩායම් සහභාගී වූ මෙහෙයුම් වල කැපී පෙනෙන දස්කම් දැක්වූ සෙබලෙකි. බොහෝ ත්‍රස්තවාදි කදවුරු වල ප්‍රභාකරන්ගේ චායාරූපයට අමතරව මෙම සෙබලාගේ චායාරුපයද තබාගෙන සිටියේය. එහි විශේෂත්වය නම් එම චායාරූපය රතු මාකර් එකකින් කතිරයකින් කපා තිබීමයි. එයින් පැහැදිළි වී තිබුනේ මොහුව ත්‍රස්තවාදීන්ට අතිශය පිලීලයක් වී සිටි බවයි. ඊටත් අමතරව ත්‍රස්තවාදීනට අත්‍යවශ්‍යව සිටි ටාගට් එකක් ලෙස මොහුගෙ නම ඉහලින්ම ලියවී තිබුනි.
පසුකාලීනව ලංකාවෙ සාපලත් දේශපාලන පාතාලයේ රකුසු ඇසට හසුවීම මත SF සරත්ගේ ජීවිතය අදුරු විය. ඒ අනුව 2015 වසරේ එක්තරා දිනෙක බොරැල්ල ප්‍රදේශයේදී පුද්ගලයකු වෙඩි තබා ඝාතනය කිරීමේ චෝදනාව ලැබ සැකකරුවකු ලෙස සිටි K.M සරත් බන්ඩාර නොහොත් SF සරත්ට අද දින කොළඹ මහාධිකරණ විනිසුරු නවරත්න මාරසිංහ මහතා විසින් මර///ණ දඩුවම නියම කරන ලදී.
ඊටත් අමතරව 2015 වසරේ අගෝස්තු මස 01 බොරැල්ල වනාතමුල්ල ප්‍රදේශයේ පිහිටි සැලුන් එකක් තුලදී හෙට්ටිආරච්චිගෙ දුමින්ද නැමැත්තෙකුට වෙඩි තබා ඝාතනය කිරීමේ චොදනාවට මොහු ලක්ව සිටියේය. අවසානයේ නීතියට පිටින් ගොස් සරත්ට ලැබුනේ මොනවාද..? ජීවිතය…? නිදහස..? සතුට…? නැත…. කිසිවක් නැත.. අවිගත්තෝ අවියෙන්ම නැසී යනු ඇත . හරි මාර්ගයේ ගියානම් වටිනාකම කියා නිමකල නොහැක…
මෙතෙක් කල් මේ චායාරූප සියල්ල එකතු කරගෙන මම තබාගෙන සිටියේ පැරණී පාතාලය් මාගේ ගවේශනාත්මක චාරිකාවේ යම්කිසි කාල වකවානුවකදී මේවා අවශ්‍යවන නිසාය. නමුත් මේ පිලිබදව තාමත් වැඩසටහන් සිදුකල නොහැක. එබැවින් නියමිත කාලයේදී සුදුසු කාල වකවානුවකදී අපි හමුවෙමු. එම දවස වසර 20ද.? 25ද.? හෙටද ..? කිව නොහැක.
සටහන
Tharindu fernando කොටියා
