හිටපු ජනාධිපති රනිල් වික්‍රමසිංහ මහතාගේ පුද්ගලික නිවසට ගිනි තැබීමේ සිද්ධියට අදාල නඩුව අධිකරණය හමුවේ කැඳවූ අවස්ථාවේ අධිකරණයේ පෙනී නොසිටි සැකකරුවන් සිව් දෙනෙකුට කොටුව මහේස්ත්‍රාත් අධිකරණය වරෙන්තු නිකුත් කර ඇත.
මෙම නඩුවේ සැකකරුවන් වන ජෙ .ශ්‍රී රංගා, ඇන්ඩෲ ඉවෝන්, රයිගම් බණ්ඩාරලාගේ මංජු වෙත්තමුණි, ෂෙරින් වික්‍රමසිංහ, දිල්රුක් මධුශංක, අෂාන් සදීප්, අන්වර් අලි, ඉන්දික ප්‍රසාද් ඇතුළු සැකකරුවන් පිරිසක් විවෘත අධිකරණයේ පෙනී නොසිටියහ.
මෙම නඩුව කැඳවූ අවස්ථාවේ අධිකරණයේ පෙනී නොසිටි සැකකරුවන් කිහිප දෙනෙකු සම්බන්ධව නීතිඥවරුන් අධිකරණයට කරුණු දක්වන ලදී.
2022 වසරේ ජූලි 09 වැනි දින හිටපු ජනාධිපතිවරයාගේ නිවසට ගිනි තැබූ අවස්ථාවේදී ගිනි නිවීමට පැමිණි රථයකට ඇතුල්වීමට ඉඩ නොදී රාජ්‍ය සේවකයින්ට අයුතු අවහිරයක් කළ බවට සැකකරුවන්ට එරෙහිව චෝදනා ගොනුකර ඇත.
