ඊයේ (21) පාර්ලිමේන්තුවේදී පැවති 2025 අයවැය තෙවන වර කියවීමේ ඡන්ද විමසීමේදී විපක්ෂ මන්ත්‍රීවරයෙකු වූ ශ්‍රී ලංකා කම්කරු පක්ෂයේ වන්නි දිස්ත්‍රික් පාර්ලිමේන්තු මන්ත්‍රී කාදර් මස්තාන් අයවැයට පක්ෂය ඡන්දය භාවිත කර තිබේ.
ඒ සම්බන්ධව මාධ්‍යට අදහස් දක්වමින් කාදර් මස්තාන් මන්ත‍්‍රීවරයා පවසා සිටියේ මෙය ජනතාව විසින් පත්කරගත් වත්මන් ආණ්ඩුවේ පළමු අයවැය වූ නිසාත්, ජනතාව ගේ අපේක්ෂාව අනුව සිතා ඒ වෙනුවෙන් තමන් ජන්දය ලබාදුන් බවයි.
ජනතාවගේ අපේක්ෂාව අනුව ආණ්ඩුව ඉදිරි කටයුතු කරයිද කියා ඉදිරියට බලාගත හැකි බවද සඳහා කළ මන්ත‍්‍රීවරයා ජනතා මතයට සහාය දෙමින් කටයුතු කළ යුතු බවද පැවසීය.
අයවැය තුන්වැනි වරට කියවීමේ ඡන්ද විමසීමේදී අයවැයට පක්ෂව ඡන්ද 159ක් හිමි වූ අතර, විපක්ෂව හිමි වූ ඡන්ද සංඛ්‍යාව 45 කි.
ඒ අනුව අයවැය තුන්වැනි වර කියවීමේ ඡන්ද විමසීම වැඩි ඡන්ද 114කින් ජයගැනීමට රජය සමත්වුණි
