තමන් පොලිස් මාධ්‍ය ප්‍රකාශක ධුරයෙන් ඉල්ලා අස්වී නොමැති බවත්, ඒ වෙනුවට තමන් පොලිස් මාධ්‍ය ප්‍රකාශක ධූරයෙන් ස්ථාන මාරුවක් ඉල්ලුම් කර තිබෙන බවත් ජ්‍යේෂ්ඨ පොලිස් අධිකාරී බුද්ධික මනතුංග සඳහන් කරයි.
පොලිස් මාධ්‍ය ප්‍රකාශකවරයා මේ බව සඳහන් කර සිටියේ අද (21) මාධ්‍යට අදහස් දක්වමිනි.
ජ්‍යේෂ්ඨ පොලිස් අධිකාරී බුද්ධික මනතුංග පොලිස් මාධ්‍ය ප්‍රකාශක තනතුරින් ඉල්ලා අස්වූ බවට ඊයේ (20) මාධ්‍ය වාර්තා පළවූ අතර ඔහු මේ අදහස් දැක්වීම සිදුකළේ එකී පුවත සම්බන්ධව කරුණු නිවැරදි කරමිනි.
ඒ අනුව පොලිස් නිලධාරියෙකුට වගකීමක් පැවරූ විට එය පැහැර හැරීමට හැකියාවක් නැති බවත් තමන් ස්ථාන මාරුවීමක් ඉල්ලා ලිපියක් යොමු කර ඇති අතර තමන් වෙනුවට නිලධාරියෙක් පත් කරනතුරු පවරා ඇති වගකීම දරන බවද ඔහු සඳහන් කළේය
