Home අද අප්‍රේල් වන විට ආහාර මිල අඩුවෙන හැටි මෙන්න

අප්‍රේල් වන විට ආහාර මිල අඩුවෙන හැටි මෙන්න

1825
0

ආහාර මිල පාලනය කිරීමේ   පියවරක් ලෙස රජය බලපත්‍රලාභීන්ට පමණක් ආනයනය සීමා නොකර ව්‍යාපාරය විවෘත කරමින් අත්‍යාවශ්‍ය ආහාර ද්‍රව්‍ය ආනයනය කිරීමේ ක්‍රමවේදයක් හඳුන්වා දීමට නියමිතය.

පවතින ක්‍රමය ආහාර ද්‍රව්‍ය මිල ඉහළ යාමට හේතු වන බවට හෙළිදරව් වීමත් සමඟ ආනයනය සඳහා බලපත්‍ර නිකුත් කිරීමේ දූෂණ තුරන් කිරීම මෙම පියවරේ අරමුණ වී ඇත.

පරිප්පු, සීනි, අර්තාපල්, ළූණු සහ පිටි යන අත්‍යාවශ්‍ය ආහාර ද්‍රව්‍ය  ආනයනය සඳහා මේ අනුව ප්‍රමිතීන් සකස් කරීමට නියමිතව ඇත.

බලපත්‍ර ක්‍රමය අහෝසි කිරීමට යෝජනා කරමින් ජනාධිපති රනිල් වික්‍රමසිංහ මහතා කැබිනට් පත්‍රිකාවක් ඉදිරිපත් කර ඇති අතර, ඒ අනුව භාණ්ඩාගාර නිලධාරීන් සහ කෘෂිකර්ම, වෙළෙඳ ඇතුළු අමාත්‍යාංශ කිහිපයකින් සමන්විත කමිටුවක් ක්‍රියාත්මක කිරීමට සූදානම් වේ.

එළඹෙන ජාතික අලුත් අවුරුදු කාලය සඳහා අත්‍යාවශ්‍ය ආහාර ද්‍රව්‍ය ආනයනය ආරම්භ කිරීමට පෙර නව තීරුබදු ව්‍යුහයක් සකස් කිරීමට නියමිතය.

ආනයනය සඳහා වන නිර්ණායක සහ අවශ්‍යතා ද නව ක්‍රමය යටතේ හඳුන්වා දෙනු ඇත.

ආනයන බලපත්‍ර නිකුත් කිරීමේදී රාජ්‍ය නිලධාරීන් දූෂිත ක්‍රියාවල නිරත වන බවත්, එමඟින් වෙළඳපොලේ මිල හැසිරවීමට සහ තොග නියාමනය කළ හැකි ඇතැම් ආනයනකරුවන්ට ඒකාධිකාරයක් හිමිවන බවත් සොයා ගත් බව උසස් නිලධාරියෙක් පැවසීය.

දේශීය නිෂ්පාදකයින් ආරක්ෂා කිරීම සඳහා ආනයන බදු ද නව ක්‍රමය මඟින් අපේක්ෂා කරන බව එම නිලධාරියා පැවසීය.

ආහාර ද්‍රව්‍යවල මිල කෘත්‍රිම ලෙස වැඩි කරන උත්සව සමයේදී මෙම ක්‍රමය විශේෂයෙන් ප්‍රයෝජනවත් වනු ඇතැයි ඔහු පැවසීය.

බලපත්‍ර ක්‍රමය ඉවත් කළහොත් අඩු මිලට ටින් මාළු ලබාදිය හැකි බව පසුගියදා අමාත්‍යාංශ නිලධාරීන් සමඟ පැවැති සාකච්ඡාවකදී වෙළෙඳුන් පෙන්වා දුන්හ.

 

Sundaytimes ඇසුරෙනි

Previous articleඅනුරගේ ෆේස්බුක් බලකායට අභියෝගයක්
Next articleමැතිවරණ ගැන රජයෙන් විශේෂ නිවේදනයක් නිකුත් කරයි

LEAVE A REPLY

Please enter your comment!
Please enter your name here