ශ්‍රී ලංකා ක්‍රිකට් ආයතනයේ 2025 – 2027 වසර සඳහා නව නිලධාරීන් තෝරා පත් කිරීමේ ක්‍රිකට් නිලවරණය අද, 64 වන වාර්ෂික මහා සභා රැස්වීමේදී කොළඹදී පැවැත්විය.
ශම්මි සිල්වා මහතා නිතරගයෙන් නැවතත් සභාපති ධුරයට පත් විය. ශ්‍රී ලංකා ක්‍රිකට් ආයතනයේ මැතිවරණ කමිටුව ඔහුගේ නැවත තේරී පත්වීම නිල වශයෙන් තහවුරු කළ අතර, මෙය ඔහුගේ අඛණ්ඩ සිව්වන වරත්, නිතරගයෙන් එම තනතුර ලබාගත් තුන්වන අවස්ථාවත් ලෙස සනිටුහන් වේ.
මෙවර සභාපති තනතුර සඳහා ශම්මි සිල්වා මහතාට අමතරව ජයන්ත ධර්මදාස සහ සමන්ත දොඩන්වෙල යන අයද තරඟ වැදි තිබුණි. එහිදි උප සභාපති ලෙස ජයන්ත ධර්මදාස , ලේකම් ලෙස බන්දුල දිසානායක හා භාණ්ඩාගාරික ලෙස සුජීව ගොඩලියද්ද යන මහත්වරුන් තේරිපත් විය.
ශම්මි සිල්වා මහතා 2019 සිට ශ්‍රී ලංකා ක්‍රිකට් ආයතනයේ සභාපති ධූරය දැරීමේ වාර්තාවක් තබා ඇති අතර, ඔහුගේ අලූත්ම පත් කිරීමත් සමඟ 2025-2027 කාලය තුළත් එම ධූරය දිගටම පවත්වා ගැනීමට නියමිතය.
