පසුගිය සමයේ නීත්‍යානුකූල නොවන අයුරින් උපයාගත් වත්කම් යළි පවරා ගැනීමේ පනත් කෙටුම්පත අප්‍රේල් මස 08වනදා පාර්ලිමේන්තුවට ඉදිරිපත් කරන බව ජනාධිපති අනුර කුමාර දිසානායක මහතා පවසයි.
මාතර වැලිපිටිය ප්‍රදේශයේ පැවති ජනහමුවකට එක්වෙමින් ජනාධිපතිවරයා මේ බව සඳහන් කර සිටියේය.
2026 වසර වන අයවැය සම්බන්ධයෙන් යෝජනා ලබා ගැනීම මෙම වසරේ ජුනි මාසයේ සිට ආරම්භ කරන බව ජනාධිපතිවරයා එහිදී සඳහන් කළේය.
මේ අතර, ආර්ථික අර්බුදය හේතුවෙන් අත්හැර දමා තිබු විදෙස් ආධාර යටතේ ක්‍රියාත්මක වු ව්‍යාපෘති රැසක් යළි ආරම්භ කරන බව ජනාධිපතිවරයා මෙහිදී වැඩිදුරටත් සඳහන් කළේය.
