ජනතාව අද පහසුවෙන් ජීවත් වන්නේ රට ආර්ථික වශයෙන් කඩා වැටුණු අවස්ථාවේ හිටපු ජනාධිපති රනිල් වික්‍රමසිංහ ගත් තීන්දු තීරණ නිසා බව පූජ්‍ය දොඩම්පහළ රාහුල නා හිමියෝ පැවැසූහ.
උන්වහන්සේ මේ බව පැවසූයේ හිටපු ජනාධිපති රනිල් වික්‍රමසිංහ ගේ ජන්ම දිනය නිමිත්තෙන් සේදවත්ත වෙහෙරගොඩ පුරාණ විහාරස්ථානයේදී පැවති ආගමික වතාවත් සඳහා සහභාගී වෙමිනි.
ඉත්තෑපානේ ධම්මාලංකාර කෝට්ටේ කල්‍යාණී සාමග්‍රී ධර්ම මහා සංඝ සභාවේ මහා නා හිමියන්ගේ ප්‍රධානත්වයෙන් මෙම ආගමික වතාවත් පැවැත්විණි.
සේදවත්ත වෙහෙරගොඩ රජමහා විහාරාධිපති අඹන්වල ඥානාලෝක හිමියන්ගේ මූලිකත්වයෙන් මෙම පින්කම් සංවිධාන කර තිබුණි.
සමගි ජන බලවේගයේ පාර්ලිමේන්තු මන්ත්‍රී කාවින්ද ජයවර්ධන, සජබ හිටපු මන්ත්‍රී අජිත් මාන්නප්පෙරුම ද මෙම අවස්ථාවට සහභාගී වී සිටීම විශේෂත්වයක් විය.
මෙහිදී හිටපු ජනාධිපති රනිල් වික්‍රමසිංහ ගේ සහභාගීත්වයෙන් මහා සංඝරත්නය උදෙසා දානමය පින්කමක් ද පැවැත්විණි.
එහිදී අදහස් දක්වමින් පූජ්‍ය දොඩම්පහල රාහුල නාහිමියන් වැඩිදුරටත් පැවසූයේ රනිල් වික්‍රමසිංහ මහතා කිසි විටෙක කිසිදු තීන්දු තීරණයක් රටට අගතිගාමී ලෙස ගෙන නැති බවය.
රනිල් වික්‍රමසිංහ මහතාට රටේ මහා සංඝරත්නයේ ආශිර්වාදය හැම විටම හිමි වෙන බවද රාහුල නා හිමියෝ කීහ.
