එක්සත් ජාතික පක්ෂය සමග එක්වීමේ සාකච්ඡා ආරම්භ කර ඉදිරියට ගෙන යෑම සඳහා සමගි ජන බලවේගයේ කෘත්‍යාධිකාරී මණ්ඩලයේ අනුමැතිය හිමිව ඇත.
සමගි ජන බලවේගයේ නායක විපක්‍ෂනායක සජිත් ප්‍රේමදාස මහතාගේ ප්‍රධානත්වයෙන් ඊයේ (16 ) රැස් වූ එම පක්ෂයේ කෘත්‍යාධිකාරී මණ්ඩල රැස්වීමේදී එහි බහුතරයක් කට වැඩි පිරිසකගේ මතය වූයේ එක්සත් ජාතික පක්ෂය සමඟ එක්විය යුතු බවයි.
ඒ අනුව එම සාකච්ඡා ආරම්භ කර ඉදිරියට කරගෙන යෑමට පක්ෂයේ මහ ලේකම් රංජිත් මද්දුම බණ්ඩාර මහතාගේ ප්‍රධානත්වයෙන් පත් කරනු ලබන පංච පුද්ගල කමිටුවක් මගින් සිදුකිරීමට නියමිතය.
දෙපාර්ශවය අතර සාකච්ඡා ආරම්භ කිරීම සඳහා එක්සත් ජාතික පක්ෂයේ ද අනුමැතිය මේ වන විට හිමිවී තිබේ.
පක්ෂ දෙකෙහිම පසු පෙළ ක්‍රියාකාරීන්ගේ මෙන්ම පාක්ෂිකයන්ගේ ඉල්ලීම වී ඇත්තේ ද එක්සත් ජාතික පක්ෂය සහ සමගි ජන බලවේගය එකට එක්ව ඉදිරි මැතිවරණ වලට ඉදිරිපත් විය යුතු බවය.
මේ අනුව දෙපාර්ශ්වය අතර සාකච්ඡා කඩිනමින් ආරම්භ කරන බව පක්ෂ දෙකෙහි මහලේකම්වරු පවසති
