ඉන්දීය බොලිවුඩයේ සුපිරි නළුවකු වන සයිෆ් අලී ඛාන් තියුණු ආයුධයකින් කළ පහර කෑමක් හේතුවෙන් තුවාල ලබා රෝහල් ගත කර ඇති බව ඉන්දීය මාධ්‍ය වාර්තා කර තිබේ.
මුම්බායිහි සිය නිවසේ සිටියදී අලුයම 2ග30 ට පමණ සයිෆ් අලී ඛාන් මෙම ප්‍රහාරයට ලක්ව තිබෙන අතර ප්‍රතිකාර සඳහා මුම්බායිහි ලීලාවතී රෝහලට ඇතුළත් කර තිබෙන බවද ඉන්දීය මාධ්‍ය වාර්තා කර තිබේ.
සිද්ධිය සම්බන්ධයන් පොලිසිය විමර්ශනයක් ආරම්භ කර ඇති බවත්, නිවසට අනවසරයෙන් ඇතුළු වුණු පුද්ගලයකු මෙම පහරදීම සිදුකර ඇති බවට තොරතුරු අනාවරණය වී ඇති බවත් ඉන්දීය මාධ්‍ය වැඩි දුරටත් සඳහන් කර ඇත
