අයහපත් කාලගුණික තත්ත්වය හේතුවෙන් දින 03ක් කල් දැමුණු අධ්‍යයන පොදු සහතික පත්‍ර උසස් පෙළ විභාගය තවත් දින තුනකින් කල් දැමීමට තීරණය කර තිබෙනවා.
ඒ අනුව නොවැම්බර් 27 වැනි දා සිට දෙසැම්බර් 03 දක්වා මෙවර උසස් පෙළ විභාගය නොපැවැත්වෙන බව විභාග කොමසාරිස් ජනරාල් අමිත් ජයසුන්දර මහතා පවසයි.
නැවත විභාගය ආරම්භ වන්නේ දෙසැම්බර් මස 04 වැනි දින බවත්‍, දෙසැම්බර් මස 04 වැනිදාට කාලසටහනේ නියමිතව ඇති විෂයන් ඒ ආකාරයෙන්ම පවත්වන බව විභාග කොමසාරිස් ජනරාල්වරයා පවසයි.
පසුගියදා කල් දමන ලද විභාග යළි ආරම්භ කරන අතර ඒ අනුව නොවැම්බර් 27 පැවැත්වීමට තිබූ විෂයන් දෙසැම්බර් මස 21 දිනත් නොවැම්බර් 28 පැවැත්වීමට නියමිතව තිබූ විෂයන් දෙසැම්බර් මස 23 ත් නොවැම්බර් 29 වැනිදා පැවැත්වීමට තිබූ විෂයන් දෙසැම්බර් 27 වෙනිදා පැවැත්වීමටත් නොවැම්බර් 30 වැනිදා පැවැත්වීමට තිබූ විෂයන් දෙසැම්බර් 28 වැනිදා පැවැත්වීමටත් දෙසැම්බර් තුන්වෙනිදා පැවැත්වීමට තිබූ විෂයන් දෙසැම්බර් 31 වෙනිදා පැවැත්වීමටත් නියමිතය.
