හිටපු මහජන ආරක්ෂක අමාත්‍ය ටිරාන් අලස් මහතා මීට සුළු වේලාවකට පෙර අපරාධ පරීක්ෂණ දෙපාර්තමේන්තුවට පැමිණ තිබේ.
2023 දෙසැම්බර් 31 වන දින, මාතර වැලිගම, පැලෑන ප්‍රදේශයේ W15 හෝටලය අසල සිදු වූ වෙඩි තැබීමේ සිද්ධියකදී කොළඹ අපරාධ කොට්ඨාශයට (CCD) අනුයුක්ත පොලිස් සැරයන්වරයෙකු මිය යාම සම්බන්ධයෙන් ප්‍රකාශයක් ලබා ගැනීම සඳහා හිටපු මහජන ආරක්ෂක අමාත්‍ය ටිරාන් අලස් මහතා අද (31) උදෑසන අපරාධ පරීක්ෂණ දෙපාර්තමේන්තුව හමුවේ පෙනී සිටියේය.
(දේශබන්දු මෙම w15 හෝටලයේ සිදුවීමෙන් මරණයට පත්වූ සැරයන්වරයාගේ නිවසට ගිය අවස්ථාව)
සිද්ධිය සම්බන්ධයෙන් ප්‍රකාශයක් ලබා ගැනීම සඳහා හිටපු අමාත්‍යවරයා කැඳවා ඇති බව CID ජ්‍යෙෂ්ඨ නිලධාරියෙක් ඊයේ (30) තහවුරු කළේය.
නඩුවට අදාළ තොරතුරු හිටපු අමාත්‍යවරයාට තිබිය හැකි බවට ඇති සැකය හේතුවෙන් ප්‍රකාශය සටහන් කර ගන්නා බව නිලධාරියා තවදුරටත් පැහැදිලි කළේය.
