හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ සහ ඔහුගේ බිරිඳ ප්‍රකාශයක් ලබාදීම සඳහා අද (25) දහවල් කොම්පඤ්ඤවීදිය පොලිසියට කැඳවා ඇත.
පසුගියදා යෝෂිත රාජපක්ෂ සහ ඔහුගේ බිරිඳ කොම්පඤ්ඤවීදිය ප්‍රදේශයේ රාත්‍රී සමාජ ශාලාවකට ඇතුළුවීමට යැමේදී එහි ආරක්ෂක නිලධාරීන් සමග ඇතිවූ ගැටුමක් සම්බන්ධයෙන් දෙදෙනාගෙන් ප්‍රකාශ සටහන් කර ගැනීමට මෙලෙස පොලිසියට කැඳවා තිබේ.
පසුගිය 21 වැනිදා රාත්‍රියේ යෝෂිත රාජපක්ෂ සහ ඔහුගේ බිරිඳ තවත් පිරිසක් සමග කොම්පඤ්ඤවීදිය ප්‍රදේශයේ රාත්‍රී සමාජ ශාලාවකට ඇතුළු වීමට උත්සාහ කිරීමේදී ආරක්ෂක නිලධාරීන් හඳුනා ගැනීමේ අත් පළඳනා පැළඳ ගන්නා ලෙස යෝෂිතට සහ ඔහුගේ බිරිඳට උපදෙස් දී තිබේ.
ඒ අවස්ථාවේ යෝසිත රාජපක්ෂ අත් පළඳනා පැළඳ ගත්තද බිරිඳ එය ප්‍රතික්ෂේප කර රාත්‍රී සමාජ ශාලාවට ඇතුළුවීමට යෑමේදී ආරක්ෂක නිලධාරීන් සමග ඇතිකර ගත් බහින්බස්වීමක් දුරදිග යෑමෙන් ඔවුන් දෙදෙනා සමග පැමිණි පිරිස ආරක්ෂක නිලධාරීන්ට පහරදී තුවාල සිදුකර ඇත.
මෙම සිද්ධියට සම්බන්ධ පුද්ගලයින් අත්අඩංගුවට ගැනීම සඳහා පොලිසිය පරීක්ෂණයක් ආරම්භ කර තිබේ.
