ප්‍රධාන නගරවල සවිකර ඇති මාර්ග සංඥා පුවරු 200ක් සඳහා අවරෝහණ ගණනය කිරීමේ යන්ත්‍ර සවි කිරීමට තීරණය කර තිබෙන බව වාර්තා වේ.
ඒ සඳහා වාහන වායු විමෝචන භාරකාර අරමුදල විසින් ප්‍රතිපාදන සපයන බව මෝටර් රථ ප්‍රවාහන දෙපාර්තමේන්තුව පවසයි.
මෙහි පළමු අදියර සඳහා රුපියල් මිලියන 56 ක මුදලක් එම අරමුදල විසින් ලබාදීමට නියමිත අතර ඉන් මිලියන 33ක් පසුගියදා නාගරික සංවර්ධන අධිකාරිය වෙත ලබා දී තිබේ.
මෙම මාර්ග සංඥා ක්‍රියාත්මකවන විට රිය ධාවනය කළ යුතු වේලාව නියමිත පරිදි රියදුරන්ට දිස්වන හෙයින් එම වේලාව එනතුරු වාහනයේ එංජිම ක්‍රියාත්මක නොකර සිටිය හැකි බවත් එමගින් ඉන්ධන කාර්යක්ෂමතාවයක් ඇති වන අතර, අනවශ්‍ය වායු විමෝචනය ද අවම වන බව මෝටර් රථ ප්‍රවාහන දෙපාර්තමේන්තුව සඳහන් කර සිටී
