බංකොලොත් භාවයට පත්වූ රටක් මාස කිහිපයක් තුල ජාතික ජන බලවේග ආණ්ඩුවක් යටතේ වර්තමානයේ ඇති ස්ථාවරත්වයට ගෙන ඒමට හැකිවීම ගැන සන්තෝෂ විය යුතු බව කර්මාන්ත අමාත්‍ය සුනිල් හඳුන්නෙත්ති පවසනවා.
ජාතික රූපවාහිනියේ පැවැති දේශපාලන වැඩසටහනක එක්වෙමින් අමාත්‍යවරයා මේ බව කියා සිටියා.
ණය වර ලිපියක් විවෘත කර ගැනීමට නොහැකි, වරායට පැමිණි ඉන්ධන නෞකාවකට මුදල් ගෙවීමට නොහැකිව තිබූ රට අද රටක් ලෙස හුස්ම ගනිමින් සිටින බවද ඔහු එහිදී කියා සිටියා.
ජාත්‍යන්තර මුල්‍ය අරමුදල සමග තම ආණ්ඩුවේ සාකච්ඡා දින දහයකින් අවසන් කළ බවත් දෙසැම්බර් 31 පෙර අවසන් කරගැනීමට අදහසකින් එසේ කළ බවත් හෙතෙම කියා සිටියි.
තම කණ්ඩායමේ තිබූ මැදිහත්වීම කැපකිරීම ගැන ජාත්‍යන්තර මුල්‍ය අරමුදලේ කණ්ඩායම පවා පුදුමයට පත් වූ බව අමාත්‍යවරයා මෙහිදී සනදහන් කළා.
