ජනාධිපතිවරණය ජයග්‍රහණය කිරීමෙන් පසුව , ඉන්දීය සමූහ ව්‍යාපාරයක් වන අදානී සමාගමේ මෙගාවොට් 450 ව්‍යාපෘතිය අවලංගු කරන බව ජාතික ජන බලවේගයේ (NPP) නායක අනුර කුමාර දිසානායක මහතා පැවසීය. එම ගිවිසුම දූෂිත බවත් ශ්‍රී ලංකාවේ අවශ්‍යතාවලට පටහැනි හෙතෙම ප්‍රකාශ කළේය. රූපවාහිනි වැඩසටහනකට එක්වෙමින් හෙතෙම මේබව ප්‍රකාශ කළේය.
ශ්‍රී ලංකාව අදානි ආයතනයෙක් විදුලි ඒකකයකට ඩොලර් 0.0826 ක මුදලක් ගෙවා බලශක්තිය මිලදී ගන්නා අතර ශ්‍රී ලාංකික සමාගමක් විසින් ඒකකයකට ඩොලර් 0.0488 ක මුදලකට එය සපයන බව දිසානායක මහතා අවධාරණය කළේය.
“අදානි ව්‍යාපෘතියේ විශාල පරිමාණය අනුව එහි පිරිවැය අඩු විය යුතුය, නමුත් එය ප්‍රතිවිරුද්ධ දෙයකි. මෙය පැහැදිලිවම දූෂිත ගනුදෙනුවක්, අපි අනිවාර්යයෙන්ම එය අවලංගු කරනවා,” හෙතෙම පැවසීය.
2023 පෙබරවාරි මාසයේදී, ශ්‍රී ලංකාවේ ආයෝජන මණ්ඩලය විසින් Adani Green Energy හි ඩොලර් මිලියන 442 ක සුළං බලාගාර ව්‍යාපෘතිය අනුමත කරන ලද අතර, උතුරු ශ්‍රී ලංකාවේ මන්නාරම සහ පුනරීන් ප්‍රදේශයේ බලාගාර සැලසුම් කර ඇත.
ඉන්දියානු ප්‍රකෝටිපතියෙකු වන ගෞතම් අදානිගේ නායකත්වයෙන් යුත් අදානී සමූහ ව්‍යාපාරය, කොළඹ වරායේ ඩොලර් මිලියන 700 ක බහාලුම් පර්යන්තයක් සංවර්ධනය කිරීමට ද සම්බන්ධ වී සිටින අතර, එය ශ්‍රී ලංකාව තුළ වර්ධනය වෙමින් පවතී.
