මෙවර ජනාධිපතිවරණයේ අවසන් ජවනිකාවන් බොහෝ විට ශ්‍රී ලංකාව බංග්ලාදේශය මෙන් බිහිසුණු තත්වයකට පත්කිරීම බව පාර්ලිමේන්තු මන්ත්‍රී විමල් විරවංශ මහතා පවසනවා.
ඒ සඳහා සැලසුම් මේ වනවිටත් සැකසී ඇති බව ඉකුත් දා පෞද්ගලික රූපවාහිනි නාලිකාවක දේශපාලන වැඩසටහනකට එක් වෙමින් ඒ මහතා කියා සිටියා.
ඡන්දය පවත්වා ප්‍රතිඵල නිකුත්වන තුරු කාල සීමාව අරගලය සමයේ පාර්ලිමේන්තුව වටලා සිදුකිරීමට නොහැකි වූ සැලසුම ඉටුකරගැනීමට එම කණ්ඩායම සුදානමින් සිටින බව ඒ මහතා මෙහිදී කියා සිටියා.
මෙවර ජනාධිපතිවරණයේදී කිසිඳු අපේක්ෂකයකුට 50% ක ප්‍රතිශතයක් ලබාගැනීමට නොහැකි තත්වයක් පවතින බැවින් එමඟින් සැකය අවිශ්වාසය මහජනතාව තුළ ගොඩනැංවීමට කටයුතු කරන බවද ඒ මහතා මෙහිදී කියා සිටියා.
ඒ තුළ මෙරට සිටින අරාජිකවාදීන් සහ සමාජ මාධ්‍ය ක්‍රියාකාරීන්ලවා එය අවුළුවා දමා ශ්‍රී ලංකාවත් බංග්ලාදේශය මෙන් ඉතා බිහිසුණු තත්වයක් ඇතිකිරීමට නියමිත බව ඒ මහතා වැඩිදුර අදහස් දක්වමින් කියා සිටියා.
