රට ආර්ථිකව කඩා වැටුන අවස්ථාවේ විපක්ෂ නායක සජිත් ප්‍රේමදාස මහතාට රට බාර ගැනීමෙන් වලකින ලෙස උපදෙස් ලබාදුන්නේ ආචාර්ය හර්ෂ ද සිල්වා බව පාර්ලිමේන්තු මන්ත්‍රී අනුප පැස්කුවෙල් මහතා පවසනවා.
මාධ්‍ය හමුවකදී අදහස් දක්වමින් ඒ මහතා මේ බව කියා සිටියා.
රට කඩාවැටුන අවස්ථාවේ එය බාරගතහොත් රට පමණක් නොව පක්ෂයත් කඩාවැටෙන බවට ආචාර්ය හර්ෂ ද සිල්වා මහතා සජිත් ප්‍රේමදාස මහතාට උපදෙස් දී රට බාරගැනීමෙන් වැලක්වූ බවත් එදා සජිත් ප්‍රේමදාස මහතා රට බාර ගත්තානම් අද ජනාධිපති ඒ මහතා බවද අනුප පැස්කුවෙල් මහතා කියා සිටියා.
ආචාර්ය හර්ෂ ද සිල්වා මහතා ජී. ඇල්. පීරිස් මහතා මෙන්ම ප්‍රයෝගික දැනුමක් නැති පොතේපතේ දැනුම ඇති ය පමණක් බව ඒ මහතා සඳහන් කළා.
"Harsha De Silva is the one who told Sajith not to take over the country during the crisis" pic.twitter.com/biAb0mZX2A
— DailyMirror (@Dailymirror_SL) August 18, 2024
සජිත් ප්‍රේමදාස මහතා මේ වනවිට ආචාර්ය හර්ෂ ද සිල්වා සම්බන්ධයෙන් වටහාගෙන ඇති බැවින් මීට පෙර ඔහු දරු තනතුරට වෙනත් පුද්ගලයකු පත්කර ඇති බවද වැඩි දුරටත් අදහස් දක්වමින් අනුප පැස්කුවෙල් මහතා කියා සිටියා.
