අධ්‍යාපනය නව්‍යකරණය කිරීමේ ක්‍රියාවලිය ලබන වසරේ සිට ආරම්භකරන බව අධ්‍යාපන අමාත්‍ය සුසිල් ප්‍රේමජයන්ත මහතා අද(25දා) පාර්ලිමේන්තුවේදී පැවසීය. ඒ යටතේ ඉංග්‍රිසි භාෂාව ඉගැන්වීමේ ක්‍රමවේදය වෙනස් කරන බවත් ක්‍රියාකරකම් මත පදනම්ව ඉංග්‍රිසි භාෂාව ඉගැන්වීම පළමු වසරේ සිට ආරම්භකරන බවද අමාත්‍යවරයා කීවේය.
“අධ්‍යාපනය ප්‍රතිසංස්කරණය කිරීමේ ක්‍රියාවලිය ලබන ජනවාරියේ සිට ආරම්භ කරනවා. ඒ අනුව ලබන වසරේ මුල් කාර්තුවේ සිට ක්‍රියාකාරකම් මත පදනම්ව ඉංග්‍රිසි භාෂාව ඉගැන්වීමේ වැඩපිළිවෙල ආරම්භකරනවා. ඒ යටතේ පළමු වසරේ සිට ගුරුවරුන් පුහුණු කිරීම ආරම්භකරනවා. ලබන වසරේ සිට අපිට එය ක්‍රියාත්මක කරන්න පුළුවන් වේවි. ඒවගේම මේවසරේදී විෂයමාලා අවසන් කිරීමටත් යාවත් කාලීන කිරීමටත් කටයුතු කරනවා.” යැයි අමාත්‍යවරයා පැවසීය.
