හැරී ජයවර්ධන දිවි සැරියට සමුදෙයි !

ශ්‍රී ලංකාවේ ප්‍රමුඛතම ව්‍යාපාරිකයෙකු වන දේශමාන්‍ය හැරී ජයවර්ධන අභාවප්‍රාප්ත වී තිබේ.

මියයන විට ඒ මහතා 82 වියේ පසුවුණි.

හැරී ජයවර්ධන (දොන් හැරල්ඩ් ස්ටැසන් ජයවර්ධන) මහතා ශ්‍රී ලංකාවේ ප්‍රසිද්ධ කර්මාන්තකරුවෙකු සහ ව්‍යාපාරිකයෙකු වන අතර, ඔහු 1942 අගෝස්තු 17 වැනි දින ජා-ඇල ප්‍රදේශයේ උපත ලබා ඇත.

හැරී ජයවර්ධන මෙල්ස්ටාකෝර්ප් පීඑල්සී (Melstacorp PLC) සමාගමේ සභාපතිවරයා ලෙස කටයුතු කළ අතර, ඩෙන්මාර්කයේ ශ්‍රී ලංකා ගෞරව කොන්සල් ජනරාල් ලෙසද කටයුතු කළේය.

2023 දී, ඔහුගේ නායකත්වයෙන් ඩිස්ටිලරීස් කම්පැනි ඔෆ් ශ්‍රී ලංකා පීඑල්සී (DCSL PLC) සමාගම Heineken Asia Pacific Pte Ltd (HEINEKEN) සමාගමේ සියලු කොටස් මිලදී ගැනීමේ ගිවිසුමකට ද එළඹුණි