ගනේමුල්ල සංජීව වෙඩි තැබීමේ සිද්ධියට අදාල දැනට සැඟව සිටින ප්‍රධාන සැකකාරියක බව කියන පින්පුර දේවගේ ඉෂාරා සෙව්වන්දි වීරසිංහ සමග දිගු වේලාවක් දුරකථන සංවාදයක නිරතව ඇති පොලිස් නිලධාරියෙක් කොළඹ අපරාධධ කොට්ඨාශය මගින් අද (20) රාත්‍රියේ අත්අඩංගුවට ගෙන ඇත.
අත්අඩංගුවට ගත් පොලිස් නිලධාරියා මීගමුව පොලිසියට අනුයුක්තව රාජකාරී කරන අතර ඔහු උසාවි රාජකාරී කරනු ලබන අයෙක් බව මීගමුව පොලිසිය පවසයි.
වයස අවුරුදු විසිපහක් පමණ වන මෙම පොලිස් නිලධාරියා පාදනිය ප්‍රදේශයේ පදිංචි කරුවෙකි. ඔහු වැඩිදුර ප්‍රශ්න කිරීම සඳහා කොළඹ අපරාධ කොට්ඨාසයේ රඳවා තබා ඇත.
