Home අද එදා 20,000ක් ඉල්ලා පෙරමුණ ගත් නායකයෝ අද සමස්ත රාජ්‍ය සේවයේම බලාපොරොත්තු සුනුවිසුණු...

එදා 20,000ක් ඉල්ලා පෙරමුණ ගත් නායකයෝ අද සමස්ත රාජ්‍ය සේවයේම බලාපොරොත්තු සුනුවිසුණු කළා – රාජ්‍ය පළාත් රාජ්‍ය හා රජයේ වෘත්තිය සමිති සම්මේලනය

290
0

රාජ්‍ය සේවකයින් සඳහා රුපියල් 20,000 වැටුප් වැඩිවීමක් ඉල්ලා එදා උද්ඝෝෂණය කළ මාලිමාවේ නායකයින් අද ආණ්ඩු බලය ලබාගෙන ඉදිරිපත් කළ මංගල අයවැයෙන් රාජ්‍ය සේවකයින්ගේ අපේක්ෂා සුනු විසුණු කර දමා ඇති බව රාජ්‍ය පළාත් රාජ්‍ය හා රජයේ වෘත්තිය සමිති සම්මේලනයේ ප්‍රධාන ලේකම් අජිත් තිලකරත්න මහතා පැවසීය.

ජනාධිපති අනුර කුමාර දිසානායක කෙරෙහි රාජ්‍ය සේවකයින් විශ්වාසයෙන් බලා සිටියත් අද ඉදිරිපත් කළ අයවැය මගින් එම විශ්වාසය මුළුමනින්ම කඩ වූ බව ඒ මහතා සඳහන් කළේය.

ජනාධිපතිවරයා අද ඉදිරිපත් කළ 2025 අයවැය සම්බන්ධව අදහස් පළ කරමින් මේ බව සඳහන් කළ තිලකරත්න මහතා මෙවර අයවැය මගින් රාජ්‍ය සේවකයින් පමණක් නොව සමස්ත රටම රැවටීමට ලක් කළ බව පෙන්වා දුන්නේය.

” එදා රුපියල් 20,000 ක වැටුප් වැඩිකර ගැනීමේ අරගලයට නායකත්වය දුන්නේ මේ පත්වෙලා ඉන්න ආණ්ඩුවයි අද ආණ්ඩුව නියෝජනය කරන නායකයෝ එදා ඊට නායකත්වය ලබා දුන්නා. නමුත් ඔවුන් අද සමස්ත රාජ්‍ය සේවයේම බලාපොරොත්තු සුනුවිසුණු කර දැමුවා. මේක රාජ්‍ය සේවකයින්ට ගැසූව බරපතල කනේ පහරක් බව කිව යුතුයි.

රාජ්‍ය සේවක වැටුප් රුපියල් 15,750 කින් වැඩි කලා කීවා නමුත් සැබෑ ලෙසම වැඩි කර ඇත්තේ රුපියල් 8250 කින් බව කිව යුතුයි.ඒ වැටුප් වැඩිවීමත් ලබා දෙන්නේ අවුරුදු තුනක කාලසීමාවක් තුළයි.

රාජ්‍ය සේවකයින් මෙහෙම අන්දවන්න එපා කියලා අපි ජනාධිපතිවරයා ප්‍රමුඛ ආණ්ඩුවට කියනවා අපිට රුපියල් 25000ක වැටුප් වැඩිවීමක් අවශ්‍යයයි. එහෙම නොවුනොත් එය ලබා ගැනීමට අපට අරගල කරන්න සිදුවෙනවා ” යැයි අජිත් තිලකරත්න මහතා වැඩිදුරටත් සඳහන් කළේය.

Previous articleපළාත් පාලන ආයතන විශේෂ විධිවිධාන පනත් කෙටුම්පත වැඩි ඡන්දයෙන් සම්මතයි
Next articleබලය ගත්තේ රට අනුරට කියලා – ඒ වුනාට ජනාධිපති IMF වහලෙක් වෙලා – විපක්ෂ නායක

LEAVE A REPLY

Please enter your comment!
Please enter your name here