වී කිලෝවක් සඳහා රුපියල් 150ක මුදලක් තමන් කිසිදා ඉල්ලා නැතැයි කෘෂිකර්ම නියෝජ්‍ය ඇමති නාමල් කරුණාරත්න පවසනවා.
තමන් දිගටම පෙනී සිටි මතය වූයේ වී නිෂ්පාදන පිරිවැය සහ ඉන් සියයට තිහක මුදලක් එකතුකර වී කිලෝවක් සඳහා මිල නියම කළ යුතු බව යයිද හෙතෙම කියා සිටියේය.
අද වන විට වී කිලෝවක නිෂ්පාදන පිරිවැය රුපියල් 100ක් බවත් ඊට සියයට තිහක් එකතු කළ විට වී කිලෝවක් සඳහා රුපියල් 130ක පමණ මුදලක් මෙවර නියම කරන බවත් හෙතෙම කියා සිටියේය.
මේ වනවිට තෙත වී රුපියල් 140ක මිලකට මිලදී ගන්නා බවත් රජය තවමත් වී සඳහා අවම මිලක් නියම කර නැත්තේ එමඟින් ගොවීන්ට අසාධාරණයක් සිදුවීමට ඉඩ ඇති බැවින් යැයි නියෝජ්‍ය අමාත්‍යවරයා මෙහිදී කියා සිටියා.
