ලොස් ඇන්ජලිස් නුවර පැතිරයන විශාල ප්‍රමාණයේ ලැව් ගිනි පහට අමතරව තවත් ලැව් ගින්නක් හොලිවුඩය ප්‍රදේශයෙන්ද පැතිර යෑම ආරම්භ වී ඇති බව අමෙරිකානු මාධ්‍ය වාර්තා කර තිබේ.
මෙම ලැව් ගින්න “සන්සෙට් ෆයර්“ නමින් හඳුන්වා ඇති අතර මේ හේතුවෙන් ලොව සුප්‍රසිද්ධ අමෙරිකානු තරු සහ ධනවතුන් වාසය කරන හොලිවුඩ් ප්‍රදේශයෙන් ඔවුන්ට ඉවත්වන ලෙස දැනුම් දී තිබෙන බවද වාර්තා වේ.
මීට දින කිහිපයකට පෙර සුප්‍රසිද්ධ ගෝල්ඩන් ග්ලෝබ් සම්මාන උලෙළේදී හොඳම නළුවා ලෙස සම්මානයට පාත්‍රවූ සුපිරි නළු ඇඩම් බ්‍රෝඩිගේ නිවසද ලැව් ගින්නට හසුවී ඇති බවත්, අමෙරිකාවේ සුප්‍රසිද්ධ ව්‍යාපාරික කාන්තාවක් මෙන්ම ජනමාධ්‍යයේ සුප්‍රසිද්ධ තරුවක් වන පැරිස් හිල්ටන්ගේ නිවසත් මෙලෙස ලැව් ගින්නෙන් විනාශ වී තිබෙන බවත් විදෙස් මාධ්‍ය වාර්තා කර තිබේ
