බොදු බල සේනා සංවිධානයේ මහ ලේකම් පූජ්‍ය ගලගොඩඅත්තේ ඥානසාර හිමියන්ට මාස නවයක ලිහිල් සිර දඬුවමක් නියම කර තිබෙනවා.
ඉස්ලාම් දහමට අපහාස කිරීමේ චෝදනාවකට උන්වහන්සේ වරදකරු කරමින් කොළඹ මහේස්ත්‍රාත් අධිකරණය විසින් මෙම දඬුවම නියම කර ඇති අතර රුපියල් 1500ක දඩ මුදලක්ද නියම කර තිබේ.
2016 වසරේ ජූලි මස 16 වැනිදා කිරුළුපන ප්‍රදේශයේදී පැවති මාධ්‍ය හමුවක් අමතමින් ඉස්ලාම් දහමට අපහාස කරන ලද බවත් එමගින් ජාතීන් අතර සංහිඳියාව උල්ලංඝනය වන්නේ යයි චෝදනා කරමින් පොලිසිය විසින් මෙම නඩුව ගොනුකර තිබින.
