Home අද ‘ක්ලීන් ශ්‍රී ලංකා’ සමඟ හෙට සියලු රාජ්‍ය ආයතනවල වැඩ අල්ලන්න – පරිපාලන...

‘ක්ලීන් ශ්‍රී ලංකා’ සමඟ හෙට සියලු රාජ්‍ය ආයතනවල වැඩ අල්ලන්න – පරිපාලන ලේකම්ගෙන් චක්‍රලේඛයක්

40
0

2025 නව වසරේ රාජකාරී ආරම්භ කරන හෙට (01) දිනයේ සියලු රාජ්‍ය ආයතනවල නිල උත්සවයක් පවත්වන ලෙස රාජ්‍ය පරිපාලන පළාත් සභා හා පළාත් පාලන අමාත්‍යංශය දැනුම් දී තිබේ.

රාජ්‍ය පරිපාලන පළාත් සභා හා පළාත් පාලන අමාත්‍යංශ ලේකම් එස්. ආලෝක බණ්ඩාර මහතා විසින් චක්‍රලේඛයක් නිකුත් කරමින් අමාත්‍යංශ ලේකම්වරුන්, පළාත් ප්‍රධාන ලේකම්වරුන්, දෙපාර්තමේන්තු ප්‍රධානීන්, රාජ්‍ය සංස්ථා සහ ව්‍යවස්ථාපිත මණ්ඩල ප්‍රධානීන් වෙත ඒ පිළිබදව දැනුම් දී තිබේ.

‘ක්ලීන් ශ්‍රී ලංකා’ ජාතික වැඩසටහන සමග නව වසරේ රාජකාරී කටයුතු ඇරඹිය යුතු බවද එම චක්‍රලේඛයේ සදහන් වේ.

‘ක්ලීන් ශ්‍රී ලංකා’ වැඩසටහන එළිදැක්වීම රාජ්‍ය අංශය සහ පෞද්ගලික අංශය ඒකාබද්ධව ජනාධිපති අනුර කුමාර දිසානායක මහතා විසින් ජනාධිපති කාර්යාලයේ දී හෙට දිනයේ සිදුකිරීමට සැලසුම් කර තිබෙන අතර රාජ්‍ය පරිපාලන පළාත් සභා හා පළාත් පාලන අමාත්‍යංශය දැනුම් දී ඇත්තේ ඒ අනුව සියලුම රාජ්‍ය ආයතන ප්‍රධානීන්, සමස්ත රාජ්‍ය සේවයේ නියුතු පිරිසගේ සහභාගීත්වයෙන් ජනාධිපති කාර්යාලයේ පැවැත්වෙන කාර්යයට සමගාමීව සිය සේවා ස්ථානවල රාජකාරී කටයුතු ආරම්භ කිරීම සිදුකළ යුතු බවය.

‘ක්ලින් ශ්‍රී ලංකා’ වැඩසටහන එළිදැක්වීමේ ජාතික උත්සවය සියලු රජයේ සහ පෞද්ගලික විද්‍යුත් නාලිකා මගින් විකාශනය කිරීමට කටයුතු සලසා ඇති අතර සියලු රාජ්‍ය ආයතනවල කාර්ය මණ්ඩලයට එය නැරඹීමේ පහසුකම සලසා දෙන ලෙස ද දැනුම් දී තිබේ. ඒ අනුව සියලු රාජ්‍ය සේවකයින් ‘ක්ලීන් ශ්‍රී ලංකා’ ප්‍රතිඥාව කියවිම සඳහා සජීවීව සම්බන්ධ විය යුතු බවද රාජ්‍ය පරිපාලන පළාත් සභා හා පළාත් පාලන අමාත්‍යංශය සිය චක්‍රලේඛය මගින් වැඩිදුරටත් දැනුම් දී තිබේ.

Previous articleහර්ෂණට ආචාර්ය පට්ටමක් දැම්මට තවත් පාර්ලිමේන්තු ලොක්කෝ 03 ක් CID යට
Next articleරට කරවන්න මාලිමාවෙන් බෑ : ජවිපෙ කාඩරය ගේන්න යෝජනාවක් !

LEAVE A REPLY

Please enter your comment!
Please enter your name here