දිඹුලාගල ප්‍රදේශයේ අවතැන්ව සිටින පවුල් සියයක් වෙනුවෙන් බෙදාදීම සඳහා ගෙනවිත් ගබඩා කර තිබූ වියළි ආහාර ද්‍රව්‍ය තොගයක් වන අලි විසින් විනාශ කර දමා ඇත.
මනම්පිටිය දෙමළ ගම්මානයේ අවතැන් වූ පවුල් සඳහා ගෙනවිත් මනම්පිටිය දෙමළ විද්‍යාලය අසල නිවසක ගබඩා කර තිබියදී එම ගබඩාව කඩා වන අලි මෙම ආහාර භුක්ති විඳ තවත් විශාල ප්‍රමාණයක් විනාශ කරා දමා තිබේ.
.
මනම්පිටිය අවට තරුණ තරුණියන් සහ ආපදා කළමනාකරණ නිලධාරීන් විසින් දැඩි පරිශ්‍රමයක් යොදා මෙම ආහාර ද්‍රව්‍ය රැස්කර ගෙන තිබූ බව වාර්තා වෙයි
මහවැලි ගඟ පිටාර ගැලීම හේතුවෙන් මනම්පිටිය ප්‍රදේශයේ පවුල් සියයක් පමණ මනම්පිටිය දෙමළ විද්‍යාලයේ රඳවා තිබෙන අතර ඔවුන් වෙනුවෙන් රැස්කර තිබූ මෙම ආහාර අලි විනාශ කිරීම නිසා ඒ සඳහා මූලිකව ක්‍රියා කළ අය දැඩි දුෂ්කරතාවන්ට මුහුණපා ඇත.
