පසුගිය දින කිහිපය තිස්සෙම කොළඹ කොටස් වෙළඳපොළ අඛණ්ඩව කඩාවැටෙමින් පවතිනවා.
එය ඊයේ දිනයේ ද 1.3%කින් පහත වැටි තිබේ. මෙලෙස අඛණ්ඩව කොළඹ කොටස් වෙළඳපොළ කඩාවැටෙමින් පවතින්නේ මෙරට සමාජ මාධ්‍ය තුළ කෘතිම නිර්මාණය කර ඇති රැල්ල හේතුවෙන් විදෙස් මාධ්‍ය කිහිපයක් වන Bloomberg සහ Wionews මෙවර ජනාධිපතිවරණයේදී අනුර දිසානායක මහතා ඉදිරියෙන් සිටින බව වාර්තා වීමත් සමඟයි.
ඒ හා සමඟම ඔවුන්ගේ ප්‍රතිපත්ති ප්‍රකාශයේ සඳහන් වන ප්‍රජාතන්ත්‍රවාදී ආර්ථික (Economic Democracy) හේතුවෙන් කොටස් වෙළඳපොළේ ආයෝජනය කර ඇති විශාල පිරිසක් ඉන් ඉවත්ව යමින් පවතින බව ආරංචි මර්ග සඳහන් කරනවා.
2024 වසරේ මාර්තු 07 වන දිනෙන් පසු ප්‍රථම වරට කොළඹ කොටස් වෙළෙඳපොළ සියලු කොටස් මිල දර්ශකය පසුගිය 28 වැනිදා ඒකක 11,000 සීමාවෙන් මෙපිටට පැමිණියේය.
එහිදී ගනුදෙනු අවසානයේ දී සියලු කොටස් මිල දර්ශක අගය ඒකක 147.67 කින් පහළ ගොස් ඒකක 10,945.81 ක් ලෙසින් වාර්තා වුණි.
2024 මැයි මාසයේ ඉහළම අගයේ සිට මේවන විට වෙළඳපොළ වටිනාකම රුපියල් බිලියන 600ක් පමණ අහිමි වී ඇත.
