ජපාන විදේශ අමාත්‍ය යොෂිමාසා හයාෂි මහතා දෙදින නිල සංචාරයක් සඳහා හෙට( 28දා) දිවයිනට පැමිණීමට නියමිතය.
ඒ අනුව යොෂිමාසා මහතා හෙට සහ අනිද්දා යන දෙදින මෙරට නිල සංචාරයක නිරත වීමට නියමිත අතර ජපාන විදේශ අමාත්‍යවරයා සමඟ 24 දෙනෙකුගෙන් යුත් දූත පිරිසක් ද මෙරටට පැමිණෙන බව ජපන් තනාපති කාර්යාලය තහවුරු කර තිබේ.
මෙම සංචාරයේ දී ජපන් විදේශ අමාත්‍යවරයා ණය ප්‍රතිව්යුහගතකරණය සහ දෙරටේ සහයෝගිතාව ශක්තිමත් කර ගැනීමට අපේක්ෂා කර ගැනීමට නියමිතව ඇත.
ජපන් විදේශ අමාත්‍යවරයා මෙරට ගත කරන කාලසීමාවේ දී ජනාධිති රනිල් වික්‍රමසිංහ, අග්‍රාමාත්‍ය දිනේෂ් ගුණවර්ධන, විදේශ අමාත්‍යවරයා ඇතුළු රජයේ ඉහළ පෙළේ පිරිසක් හමුවීමට නියමිතය.
මේ අතර ජපාන විදේශ අමාත්‍ය යොෂිමාසා මහතා ඇතුළු ධූත පිරිස අද ඉන්දියාවට පැමිණීමට නියමිතව ඇති අතර ඉන්දීය සංචාරය නිමවා ශ්‍රී ලංකාවට පැමිණීමට නියමිතව ඇත.
