පෙට්‍රල් ලීටරයක මිල රුපියල් 10 කින් අඩු කළ අද ( 01) බොහෝ ඉන්ධන පිරවුම් හල්වල එම මිලට ඉන්ධන නිකුත් නොකිරීම නිසා ඉන්ධන ලබා ගැනීමට පැමිනි පාරිභෝගික ජනතාවට දැඩි දුෂ්කරතාවන්ට මුහුණ පෑමට සිදුවිය.
ඉන්ධන පිරවුම්හල් රැසක ඉන්ධන නොමැති බවට දැන්වීම් පළ කර තිබූ අතර තවත් ඉන්ධන හල් බොහෝමෙයක පෙර පැවති මිලට ඉන්ධන අලවි කළ බව පාරිභෝගික ජනතාව පවසති.
ප්‍රෙට්‍රල් මිල අඩු කිරීම සම්බන්ධව තම සමාගම් මේ වන විටත් රජය සමඟ සාකච්ඡා කරමින් සිටින බව ඉන්ධන පිරවුම් හල්මි සේවකයෝ කිහිප දෙනෙක් පැවසූහ.
පෙර පැවති මිලට ඉන්ධන නිකුත් කරන ඇතැම් පිරවුම්හල්වලදි පාරිභෝගික ජනතාව දැඩි නොසන්සුන් ආකාරයට හැසිරෙන්නට වූ අතර ඔවුන් කියා සිටියේ ඊයේ මධ්‍යම රාත්‍රියේ සිට පෙට්‍රල් ලීටර් එකක මිල රුපියල් දහයකින් රජය අඩුකර තිබියදී පෙර පැවැති මිලට ඉන්ධන අලෙවි කළ නොහැකි බවයි.
මේ සම්බන්ධව කඩිනම් විමර්ශනයක් සිදු කරන බව අප කළ විමසුමකදී ඛනිජ තෙල් නීතිගත සංස්ථාවේ නිලධාරීයෙක් පැවසීය
