ගනේමුල්ලේ සංජීව ඝාතනය සඳහා අනුබල දුන් බව කියන ප්‍රධාන සැකකාරිය වන ඉෂාරා සෙව්වන්දි නැමැති කාන්තාවගේ මව සහ බාල සහෝදරයා කොළඹ අපරාධ කොට්ඨාශය මගින් අත්අඩංගුවට ගෙන ඇත.
කටුවැල්ලේගම. මීගමුව ලිපිනයේ පදිංචි 23 හැවිරිදි සිංහපුර දේවගේ චමින්ද තිවන්ක සහ ඔහුගේ මව වන 48 හැවිරිදි සේසත්පුර දේවගේ සමන්ති යන අය මෙලෙස අත්අඩංගුවට ගෙන තිබේ.
මනුෂ්‍ය ඝාතනයක් සම්බන්ධයෙන් දැන සිටියත් ඒ සම්බන්ධව තොරතුරු වසන් කර අපරාධයට අනුබල දීම යන චෝදනාව මත අත්අඩංගුවට ගෙන සිටින මෙම සැකකරුවන්ගෙන් දිගින් දිගටම ප්‍රශ්න කරගෙන යන බව කොළඹ අපරාධ කොට්ඨාසයේ ජේෂ්ඨ නිලධාරියෙක් පැවසීය.
මෙම අපරාධයට සම්බන්ධ බව කියන සැකකරුවන් දස දෙනෙකු පමණ මේ වන විට අත්අඩංගුවට ගෙන ඇති බව ද එම නිලධාරියා අනාවරණය කළේය