ගාල්ල හිනිදුම පනංගල ප්‍රදේශයේදී ඊයේ (30) රාත්‍රි 11.30 පමණ සිදුකළ වෙඩි තැබීමකින් පුද්ගලයින් තුන්දෙනෙක් එම ස්ථානයේම මියගොස් ඇත.
වෙඩි ප්‍රහාරයට ලක්ව මියගිය තිදෙනා ඊයේ රාත්‍රියේ පනංගල ප්‍රදේශයේ අවන්හලකදී තවත් මිතුරන් දෙදෙනෙකු සමග සාදයක් පවත්වමින් සිටියදී යතුරුපැදියකින් පැමිණි දෙදෙනෙකු විසින් ටී 56 වර්ගයේ ගිනි අවියකින් මෙම වෙඩි තැබීම සිදුකර ඇති බව පොලිසිය පවසයි.
මියගොස් ඇත්තේ වයස අවුරුදු 54, 34 සහ 29 වන වයස් කාණ්ඩවලට අයත් පනංගල සහ අම්බලන්ගොඩ ප්‍රදේශවල පදිංචි විවාහකයින් තිදෙනෙක් බව අනාවරණය වී ඇත.
වෙඩි තැබීමට හේතුව මෙතෙක් අනාවරණය කරගෙන නැති අතර වෙඩි තැබුව ස්ථානයේ තිබී හිස් උණ්ඩ කොපු 14 ක් පොලිසිය විසින් සොයාගෙන තිබේ.