2024 දෙසැම්බර් මාසයේ ICC ක්‍රීඩකයා සහ ක්‍රීඩිකාව ලෙස ඉන්දියාවේ ජස්ප්‍රිට් බුම්රා සහ ඔස්ට්‍රේලියාවේ ඇනබෙල් සදර්ලන්ඩ් නම්කර තිබේ.
ජස්ප්‍රිට් බුම්රා දෙසැම්බර් මාසයේදී ටෙස්ට් තරග තුනකදී කඩුලු 22ක් දවා ගනිමින් 14.22ක සාමාන්‍යයක් පවත්වා ගැනීමට සමත් වූ අතර ඔහු Border-Gavaskar කුසලානය සඳහා වූ ඔස්ට්‍රේලියානු සංචාරයේදී දැක්වූ දස්කම් හේතුවෙන් දෙසැම්බර් මාසයේ ICC ක්‍රීඩකයා ලෙස නම් කර තිබේ.
ඔස්ට්‍රේලියානු නායක පැට් කමින්ස් සහ දකුණු අප්‍රිකානු ක්‍රීඩක ඩේන් පැටර්සන් අභිබවා මෙම සම්මානය ලබා ගත් බව ICC ය පවසයි.
2024 දෙසැම්බර් මාසයේ ICC කාන්තා ක්‍රීඩිකාව ලෙස තේරීපත්වූ ඔස්ට්‍රේලියාවේ තුන් ඉරියව් ක්‍රීඩිකාවක වන ඇනබෙල් සදර්ලන්ඩ් දෙසැම්බර් මාසයේදී ඇයගේ කණ්ඩායම ඉන්දියාවට එරෙහි එක්දින තරග තුනක් සහ නවසීලන්තයට එරෙහි එක්දින තරග දෙකක් ලෙස තරග පහක් ජයගෙන තිබේ.
එහිදී ඇය තරගයේ ක්‍රීඩිකාව ලෙස සම්මාන තුනක් ද තරග දෙකෙහිම තරගාවලියේ ක්‍රීඩිකාව ලෙස ද සම්මාන දිනාගැනීමට සමත් වූ අතර ඇය එම මාසයේ දී ලකුණු 269ක් රැස් කර ඇත්තේ ශතක දෙකක් ද සමගිනි.