වර්තමාන ආණ්ඩුවට ආණ්ඩුකරණයේ අත්දැකීම් නැති වුණද දේශපාලනයේ හොඳ අත්දැකීම් ඇති බව නියෝජ්‍ය අමාත්‍ය මහින්ද ජයසිංහ පවසයි.
එමනිසා ආණ්ඩු කිරීම මහලොකු කජ්ජක් නොවන බවද හෙතෙම සඳහන් කළේය.
උත්සව අවස්ථාවකින් පසු මාධ්‍ය අමතමින් ඔහු මේ බව සඳහන් කළේය.
ක්ලීන් ශ්‍රී ලංකා ව්‍යාපෘතිය මේ වන තෙක් පටන් ගෙන නැති බවත් එනිසා පටන් නොගත් ව්‍යාපෘතියකට විරෝධතා පැමිණීමට හේතුවක් නැති බවද පැවසූ ඔහු එම ව්‍යාපෘතිය ආරම්භ කරන්නේ පෙබරවාරි මාසයේ බවත් කියා සිටියේය.
පොලීසිය විසින් සාමාන්‍ය නීතිය ක්‍රියාත්මක කිරීම පමණක් බවත් සිදු කරමින් ඇති බවත් ඔහු එහිදී තවදුරටත් පැවසුවේය.
