අද (08)සවස සිට ආරම්භ කිරීමට නියමිතව තිබූ පුද්ගලික බස්රථ වර්ජනය තාවකාලිකව අත්හිටුවීමට පුද්ගලික බස් රථ වෘත්තීය සංගම් තීරණය කර ඇත.
බස් රථ හිමියන්ගේ වෘත්තීය සංගම් සහ වැඩ බලන පොලිස්පති ප්‍රියන්ත වීරසූරිය මහතා අතර අද දහවල් පැවැති සාකච්ඡාවෙන් අනතුරුව මෙම තීරණය ගෙන තිබේ.
බස් රථවල සවිකර ඇති අනවශ්‍ය කොටස් ඉවත් කිරීම සඳහා මෙම මස 20 වැනිදා තෙක් ලබා දී තිබූ සහන කාලය තවදුරටත් දීර්ඝ කිරීමට පොලිස්පතිවරයා එකඟ වී තිබෙන අතර ඒ අනුව බස් වර්ජනය අත්හිටුවීමට බස් හිමියන්ගේ සංගම් එකඟ වී ඇත