පෞද්ගලික විශ්වවිද්‍යාල කිහිපයක සිසුන්ට මත්ද්‍රව්‍ය බෙදා හැරීමේ ජාලයකට සම්බන්ධව කටයුතු කළ විශ්වවිද්‍යාල සිසුන් 05 දෙනෙකු මත්ද්‍රව්‍ය තොගයක් සමඟ නුගේගොඩ දූෂණ මර්ධන ඒකකය මගින් අත්අඩංගුවට ගෙන ඇත.
මෙම සිසුන් අත්අඩංගුවට ගන්නා අවස්ථාවේ ඔවුන් සතුව තිබූ මත් මුද්දර, මත්කරල්, කුෂ්, මත්ද්‍රව්‍ය සහ රුපියල් ලක්ෂ විසි පහකට ආසන්න මුදලක් පොලිසිය විසින් සොයාගෙන තිබේ.
කොළඹ පෞද්ගලික විශ්ව විද්‍යාලයක් අසලදී එක් සිසුවෙක් අත්අඩංගුවට ගැනීමෙන් පසු ඔහුගෙන් කරන ලද ප්‍රශ්න කිරීමේදී හෙළි වූ තොරතුරු මත ඉතිරි සිසුන් සිව් දෙනා ඊයේ සවස අත්අඩංගුවට ගෙන ඇත
මෙම සිසුන්ගෙන් ලද තොරතුරු මත මෙම ජාලයට සම්බන්ධ සෙසු මත්ද්‍රව්‍ය ජාවාරම්කරුවන් නීතියේ රැහැනට හසුකර ගැනීම සඳහා මේ වන විට පුළුල් පරීක්ෂණයක් දියත් කර තිබෙන බව පොලීසිය සඳහන් කළේය.