ශ්‍රී ලංකාවේ සෙෳඛ්‍ය වෛද්‍ය අධ්‍යාපනයේ ප්‍රමුඛයා වන International Institute of Health Sciences (IIHS) සිය සන්නාම ගත විශ්ව විද්‍යාලයක් ලෙස එක්සත් රාජධානියේ කොවෙන්ට්‍රි විශ්ව විද්‍යාලය විසින් නම් කරනු ලැබ ඇත.
ශ්‍රී ලංකාවේ සන්නාමගත විශ්ව විද්‍යාලයක් බිහි කිරීමට තිබෙන අවස්ථා ගවේෂණය කරමින් IIHS සහ කොවෙන්ට්‍රි විශ්ව විද්‍යාලය අතර දීර්ඝ කාලයක් සිදු වූ සාකච්ඡාවල ප්‍රතිපලයක් ලෙස මෙය සිදු විය. 2013දී උපාධි අපේක්ෂක හෙද සිසු සිසුවියන් ඉලක්ක කර ගත් වැඩපිළිවෙලක් සමඟ මෙම සහයෝගීතාව ආරම්භ විය. එය පසුගිය කාලය තුළ ශාස්ත්‍රීය විශිෂ්ටත්වය සහ පරිවර්තනීය අධ්‍යාපන ක්‍රමයක් ඇති කිරීම ඉලක්ක කර ගත් පුළුල් වැඩසටහනක් බවට පත් වී තිබේ.
මෙම සහයෝගිතාවේ තවත් අදියරක් ලෙස IIHS සහ කොවෙන්ට්‍රි විශ්ව විද්‍යාලය අවබෝධතා ගිවිසුමකට අත්සන් තබන ලදී. ඉහළ ගුණාත්මකභාවයකින් යුත් අධ්‍යාපන අවස්ථා උදා කිරීමට එම ආයතන සතු අන්‍යොන්‍ය කැපවීම තහවුරු කරන මෙම අවබෝධතා ගිවිසුම අනාගතයේදී බොහෝ මුලපිරීම් සඳහා මඟ පාදනු ඇත.
කොවෙන්ට්‍රි විශ්ව විද්‍යාලයේ උප කුලපතිවරයා පසුගියදා IIHS හි නිල සංචාරයකට විය. එය මෙම සහයෝගිතාව වඩාත් ශක්තිමත්ව පවත්වා ගෙන යාමට ඉවහල් වනු ඇත. වර්තමානයේදී IIHS හි කොවෙන්ට්‍රි විශ්ව විද්‍යාලයට අනුබද්ධ අධ්‍යාපන වැඩසටහන් සහ මොඩියුල හදාරන සිසු සිසුවියන් සංඛ්‍යාව 1,300කට අධික වේ. ඉදිරියේදී එම පාඨමාලා වඩාත් විවිධත්වයකට ලක් කරමින්, දකුණු ආසියානු කළාපයේ සිසු සිසුවියන්ට පුළුල් පරාසයක විහිදුණු අධ්‍යාපන අවස්ථා සළසා දීමට සැළසුම් සකසා තිබේ. මෙම සහයෝගිතාවේ ප්‍රතිපලයක් ලෙස සැබෑ පාඨමාලා ගාස්තුවෙන් දහයෙන් එකක් වැනි අවම ගාස්තුවක් යටතේ ජාත්‍යන්තර වශයෙන් පිළිගත් පාඨමාලා හැදෑරීමට සිසු සිසුවියන්ට අවස්ථාව හිමි වේ.
“අපි ඉතාමත් සතුටු වෙනවා කොවෙන්ට්‍රි විශ්ව විද්‍යාලය සමඟ මේ ආකාරයෙන් අත්වැල් බැඳ ගැනීමට ලැබීම ගැන. මේ යටතේ IIHS ආයතනය දකුණු ආසියාවේ සන්නාමගත විශ්ව විද්‍යාලයක් බවට පත් වෙන්න විභවයක් තිබෙනවා. මේ තුළින් උසස් සහ ගුණාත්මක අධ්‍යාපන අවස්ථා නිර්මාණය කිරීමට අප සතු කැපවීම වගේම දකුණු ආසියානු කළාපය පුරා විහිදී සිටින සිසු
සිසුවියන්ට එම පාඨමාලා හැදෑරීමට ඇති අවස්ථා පුළුල් කිරීමට අප සතු ඒකාබද්ධ දැක්ම පිළිබිඹු වෙනවා.” IIHS ආයතනයේ ප්‍රධාන විධායක නිලධාරී ආචාර්ය කිත්සිරි එදිරිසිංහ සඳහන් කළේය.
“IIHS ආයතනය සමඟ වර්ධනය කර ගත් මේ සහයෝගීතාව තුළින් කළාපය තුළ කොවෙන්ට්‍රි විශ්ව විද්‍යාලයේ දැක්ම ව්‍යාප්ත කරන්නට අපට හැකියාව ලැබෙනවා. ඒ වගේම ඒ තුළින් බොහෝ කළාපීය සෞඛ්‍ය ව්‍යාපෘති ක්‍රියාත්මක කරන්න අපට හැකියාව ලැබෙනවා. අපේ මේ සහයෝගය තුළින් ශ්‍රී ලංකාවේ ශ්‍රම බලකායට වැඩි වැඩියෙන් සෞඛ්‍ය වෘත්තිකයන් එක්
කරන්නටත්, ශ්‍රී ලාංකිකයන්ට එක්සත් රාජධානියේ රැකියා අවස්ථා උදා කර ගන්නටත් හැකි වනු ඇති.” කොවෙන්ට්‍රි විශ්ව විද්‍යාලයේ උප කුලපති මහාචාර්ය ජෝන් ලැතම් සඳහන් කළේය.