මෙවර පළාත් පාලන මැතිවරණය කල්යෑම හේතුවෙන් ඒ සඳහා නාමයෝජනා ලබාදුන් සියලුම රාජ්‍ය සේවකයින්ට යළිත් ඔවුන් සේවය කළ ස්ථානයේම සේවය කිරිමට අවස්ථාව ලබාදීමට එකඟවු බව අග්‍රාමත්‍ය දිනේශ් ගුණවර්ධන මහතා අද(19දා) පාර්ලිමේන්තුවට ප්‍රකාශ කළේය.
මැතිවරණ කොමිෂන් සභාවේ සාමාජිකයින් සමඟ අග්‍රාමාත්‍යවරයා සහ පළාත් පාලන රාජ්‍ය අමාත්‍යවරයා සමඟ සිදුකළ සාකච්ඡාවකින් පසුව මේ තීරණයට එකඟවු බවද ගුණවර්ධන මහතා කීවේය.
එමෙන්ම මේ සම්බන්ධයෙන් වන උපදේශක කාරක සභාවේදී සිදුකළ සාකච්ඡා අනුව පළාත් පාලන මැතිවරණය සඳහා ඉදිරිපත්වී ඇති නාමයෝජනා අවලංගු කිරීම සම්බන්ධයෙන්ද පක්ෂ විපක්ෂ සියලුදෙනා එකඟවු බව අගමැතිවරයා පාර්ලිමේන්තුවට ප්‍රකාශ කළේය.