කථානායක වෛද්‍ය ජගත් වික්‍රමරත්න සහ ඔහුගේ පෞද්ගලික කාර්ය මණ්ඩලය වෙත පාර්ලිමේන්තුව විසින් සපයා ඇති පහසුකම් පිළිබඳ මාධ්‍යවල පළවන විවිධ ප්‍රවෘත්ති සම්බන්ධයෙන් පාර්ලිමේන්තු මහ ලේකම් කාර්යාලය විසින් නිවේදනයක් නිකුත් කර තිබේ.
පාර්ලිමේන්තුවේ සන්නිවේදන අධ්‍යක්ෂ (වැ.බ)ගේ අත්සනින් නිකුත්කර ඇති එම ලිපිය අනුව කතානායක නිල නිවස වත්මන් කතානායක භාවිතා නොකරයි. ඒ වෙනුවට ඔහු ලෝරිස් මහල් නිවාස සංකීර්ණයේ නිවස භාවිතා කරන අතර ඊට අදාළ කුලිය ගෙවයි.
එසේම කාර්ය මණ්ඩලය සඳහා බඳවාගෙන තිබෙනුයේ ද 8 දෙනෙකු පමණි.
නිල රථ ද 2ක් පමණක් භාවිතා කරන අතර ඒ සඳහා ලබන ඉන්ධන ලීටර් 900 කැබිනට් අමාත්‍යවරුන් සඳහා ද නිකුත් කෙරෙන ප්‍රමාණයයි.
කතානායක සම්බන්ධවූ පළවූ මාධ්‍ය වාර්තා සඳහා පදනම් වූයේ පසුගියදා නව ජනතා පෙරමුණේ නායක සූගීෂ්වර බණ්ඩාර විසින් පැවැත්වු මාධ්‍ය හමුවේදී සිදුකළ අනාවරණයකි.
කෙසේවෙතත් පාර්ලිමේන්තුවේ සන්නිවේදන අධ්‍යක්ෂ (වැ.බ) විසින් නිකුත්කළ සම්පූර්ණ නිවේදනය පහත දැක්වෙයි.
