පළාත් පාලන ආයතන වල බලය පිහිටුවාලීමට ජාතික ජනබලවේගය පක්ෂය සමඟ කටයුතු කිරීම සම්බන්ධව කරුණු පැහැදිලි කරමින් ලංකා කම්කරු කොංග්‍රසයේ ප්‍රධාන ලේකම් පාර්ලිමේන්තු මන්ත්රී ජීවන් තොණ්ඩමන් සිය x ගිනුමේ සටහනක් තබා ඇත.
එමඟින් ඔහු පෙන්වාදී ඇත්තේ ප්‍රාදේශිය තලයේදී ඇතිකරගත් මෙම දේශපාලන සබඳතාව වත්මන් රජය පිළිබඳ තමන්ගේ විවේචනයට හෝ ප්‍රශංසාවට කිසිදු බලපෑමක් හෝ පක්ෂග්‍රාහීත්වයක් ඇති නොකරන බවයි.
එබැවින්, තමන් ඉදිරියටත් විපක්ෂයේ අසුන්ගෙන සිටින අතර, ආර්ථිකය සම්බන්ධයෙන් හිටපු ජනාධිපති රනිල් වික්‍රමසිංහ මහතාගේ (RW_SRILANKA) උපදෙස් ලබා ගැනීමට කටයුතු කරන බවද සඳහන් කර තිබේ.
ප්‍රාදේශීය පාලනය සඳහා බිම් මට්ටමේ සම්බන්ධීකරණය අත්‍යවශ්‍ය වන අතර, එය තීරණය වන්නේ ජනවරම අනුව බවත් CWC (ලංකා කම්කරු කොංග්‍රසය) ප්‍රාදේශීය ආණ්ඩු මැතිවරණයට එක්සත් ජාතික පක්ෂය යටතේ හෝ වෙනත් කිසිදු සන්ධානයක් යටතේ තරග නොකළ අතර එය තම පක්ෂයේ ලකුණින් තරග කළ බවත් එබැවින් තීරණ ගැනීමට පක්ෂයට ස්වාධීනත්වයක් ඇති බවද සිහිපත් කර තිබේ.
එහිදී මන්ත‍්‍රීවරයා වැඩිදුරටත් සඳහන් කර ඇත්තේ තම පක්ෂයේ ජන්දදායකයින් ලබා දුන් ජනවරමට පක්ෂය සාධාරණයක් ඉටු කර ඇති බව ඔවුන් විශ්වාස කරන බවයි.
එසේම බලහත්කාරී දේශපාලන වාද විවාදයන් නොතකා, ඡන්ද දායකයන් අතර තම පක්ෂයේ මැතිවරණ වටිනාකම ඔප්පු කර තිබෙන බවද එම xසටහනෙහි සඳහන් කර ඇත.
මේ සම්බන්ධව ලංකා කම්කරු කොංග්‍රසයේ මහ ලේකම් පාර්ලිමේන්තු මන්ත්රී ජීවන් තොණ්ඩමන් තැබූ x සටහන පහත දැක්වෙයි.
https://x.com/jeevanthondaman/status/1934918856168055245?s=46&t=_eE4e6pzT3Y3hSCJzPof0w
