පළාත් පාලන ආයතනවලට තේරී පත්වූ සභිකයන් 330කගේ නාම යෝජනා අදාළ දේශපාලන පක්ෂ විසින් තවමත් මැතිවරණ කොමිෂන් සභාව වෙත එවා නැති බව එම කොමිෂන් සභාව පවසයි.
තවදුරටත් ප්‍රමාද නොකර එම නාමයෝජනා එවන ලෙස මැතිවරණ කොමිෂන් සභාව අවස්ථා කිහිපයකදී දේශපාලන පක්ෂ වෙත දැනුම් දී තිබේ.
මෙතෙක් නම්කර එවන ලද සියලු සභිකයන්ගේ නම් මේ වන විට ගැසට් මගින් ප්‍රකාශයට පත් කර තිබෙන බව මැතිවරණ කොම්ෂන් සභාවේ ඉහළ නිලධාරියෙක් පැවසීය.
සභිකයන්ගේ නාමයෝජනා තවදුරටත් ප්‍රමාද කිරීමෙන් මැතිවරණ කොමිෂන් සභාව මෙන්ම පළාත් පාලන ආයතනවල බලය පිහිටුවීමේදී විවිධ ගැටලු මතුවන බව එම නිලධාරියා වැඩිදුරටත් සඳහන් කළේය
