කන්ටේනර් 323ක් කිසිඳු රේගු පරීක්ෂාවකින් තොරව පිටමං කිරීම සම්බන්ධයෙන් අද (06) ඇමැති බිමල් රත්නායක ට එරෙහිව අල්ලස් හෝ දූෂණ විමර්ශන කොමිසම ඉදිරිපිට විරෝධතා ව්‍යාපාරයක් පැවැත්විණ.
නව ජනතා පෙරමුණ විසින් සංවිධානය කර තිබූ මෙම විරෝධතාව සඳහා මහා සංඝරත්නය ඇතුලු පිරිසක් එක්ව සිටියහ.
” හොර කන්ටේනර් මගඩිය – ඇමති බිමල් රත්නායක වහා අත්අඩංගුවට ගනු! ” යන ප්‍රධාන බැනරය යටතේ, ” කන්ටේනර් ඇතුලේ තහනම් බඩු ද ?”, “උද්දච්ච බිමල් රට රවටයි !”, ඇමති බිමල් වහා අත්අඩංගුවට ගනු !”, රේගු ආදායම බිමල් පොකට් ගහයි”, වැනි සටන් පාඨ පුවරු සහිතව පිරිස විරෝධතාකරුවන් අත දරා සිටිනු දක්නට ලැබිණ
