කොළඹ විශ්වවිද්‍යාලයේ උපකුලපති ධූරයේ වැඩ ආවරණය කිරීම සඳහා මහාචාර්ය සේනක රාජපක්ෂ මහතා විශ්වවිද්‍යාල ප්‍රතිපාදන කොමිෂන් සභාව විසින් පත්කර ඇත. පසුගිය 12 වැනිදා සිට බලපැවැත්වෙන පරිදි මෙම පත්වීම සිදුකර තිබේ.
කොළඹ විශ්වවිද්‍යාලයේ උපකුලපතිවරයා ලෙස කටයුතු කළ මහාචාර්ය එච්. ඩ්. කරුණාරත්න මහතාගේ ධූර කාලය අවසන් වීමෙන් පසු යළි තමන් එම ධූරයට පත් කරන ලෙස ඔහු කර තිබූ ඉල්ලීම විශ්වවිද්‍යාල ප්‍රතිපාදන කොමිෂන් සභාව නොසලකා හැර තිබිණි.
ඒ අනුව උප කොළපති ධූරයේ වැඩ ආවරණය කිරීම සඳහා සේනක රාජපක්ෂ මහතා පත් කරනු ලැබ ඇත්තේ විශ්වවිද්‍යාල ප්‍රතිපාදන කොමිෂන් සභාවේ සභාපතිවරයාට විශ්වවිද්‍යාල පනතේ 34 (9 බි) වගන්තිය යටතේ පැවරී ඇති බලතල ප්‍රකාරවය.
