ඉල්මහ විරු සමරු දෙකකට තමන් අනුග්‍රහය ලබාදුන් බව පාර්ලිමේන්තු මන්ත්‍රී දිලිත් ජයවීර මහතා පවසනවා.
ඒ මහතා මේ බව කියා සිටියේ ඊයේ (08) පාර්ලිමේන්තුවේදී අදහස් දක්වමින්.
දේශපාලනඥයන් පමණක් නොව දේශපාලන පක්ෂද විගණනය කළයුතු බවට ඔහු කළ යෝජනාවකට අමාත්‍ය සුනිල් හඳුන්නෙත්ති කළ ප්‍රක්ෂයකට පිළිතුරු ලබාදෙමින් මන්ත්‍රීවරයා මේ බව කියා සිටියා.
ජනතා විමුක්ති පෙරමුණ සමඟ ඉතා ළඟින් කටයුතු කරන සමයේ තමන් ඉල්මහ විරු සමරු දෙකකට අනුග්‍රාහකත්වය ලබාදුන් බවත් ඒ වනවිටත් තමන් මෙරට කීර්තිමත් ව්‍යාපාරිකයකු බවත් පාර්ලිමේන්තු මන්ත්‍රී දිලිත් ජයවීර මහතා කියා සිටියා.
